Мулоқот бо Раиси иҷроияи Ҷумҳурии Исломии Афғонистон доктор Абдуллоҳ Абдуллоҳ

20 июни соли 2018 Раиси иҷроияи Ҷумҳурии Исломии Афғонистон доктор Абдулло Абдулло бо сафари расмӣ ва ҷиҳати иштирок дар Конференсияи байналмилии сатҳи баланд оид ба Даҳсолаи байналмилалии амал “Об барои рушди устувор, солҳои 2018-2028” ба Ҷумҳурии Тоҷикистон ташриф оварда буд.

21 июн дар Бӯстонсаройи шаҳрии Ҳукумати Ҷумҳурии Тоҷикистон мулоқоти Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Раиси иҷроияи Ҷумҳурии Исломии Афғонистон доктор Абдуллоҳ Абдуллоҳ баргузор гардид, ки зимни он маҷмуъи васеи масоили дӯстию ҳамкории дуҷониба мавриди баррасӣ қарор дода шуд. Читать далее «Мулоқот бо Раиси иҷроияи Ҷумҳурии Исломии Афғонистон доктор Абдуллоҳ Абдуллоҳ»

Мулоқот бо Комиссари Иттиҳоди Аврупо оид ба ҳамкории байналмилалӣ ва рушд Невен Мимитса

21 июн Асосгузури сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҳошияи Конференсияи байналмилалии сатҳи баланд оид ба Даҳсолаи байналмилалии амал “Об барои рушди устувор, солҳои 2018-2028” Комиссари Иттиҳоди Аврупо оид ба ҳамкории байналмилалӣ ва рушд Невен Мимитсаро ба ҳузур пазируфтанд.

Дар оғози мулоқот Президенти мамлакат муҳтарам Эмомалӣ Раҳмон таъкид доштанд, ки “Мо ба ҳамкориҳои Тоҷикистон бо Иттиҳоди Аврупо таваҷҷуҳи хоса зоҳир менамоем ва Иттиҳоди Аврупоро аз ҷумлаи ҳамёрони муҳимми худ дар арсаи байналмилалӣ медонем”.

Ҷонибҳо аз қабули Стратегияи Аврупо дар Осиёи Марказӣ барои солҳои 2014-2020 ва Стратегияи миллии рушди Тоҷикистон то соли 2030, ки мақсад аз қабули онҳо татбиқи минбаъдаи ҳадафҳои стратегӣ мебошад, изҳори қаноатмандӣ карданд. Читать далее «Мулоқот бо Комиссари Иттиҳоди Аврупо оид ба ҳамкории байналмилалӣ ва рушд Невен Мимитса»

Суханронӣ дар маросими ифтитоҳи Конфронси байналмилалии сатҳи баланд оид ба Даҳсолаи байналмилалии амалиёт «Об барои рушди устувор, солҳои 2018-2028»

Муҳтарам сарони давлатҳо ва ҳукуматҳо,
Муҳтарам роҳбарон ва аъзои ҳайатҳо,
Хонумҳо ва ҷанобон!

Ҳамаи шуморо ба шаҳри Душанбе дар Конфронси байналмилалии сатҳи баланд оид ба Даҳсолаи байналмилалии амалиёт «Об барои рушди устувор, солҳои 2018-2028» хайрамақдам мегӯям.

Умед дорам, ки аз рӯйи натиҷаҳои чорабинии имрӯза, ки дар ҳамкорӣ бо Созмони Милали Муттаҳид ва дигар шарикон доир мегардад, ҷиҳати татбиқи ҳадафу вазифаҳои дар сатҳи байналмилалӣ дар арсаи захираҳои об мувофиқашуда иқдомоти амалии муассир сурат хоҳад гирифт.

Итминон дорам, ки конфронси имрӯза барои таҳияи тавсияҳои мушаххас роҷеъ ба мавзӯъҳои ҷаласаи дарпешистодаи Форуми сиёсии сатҳи баланд оид ба рушди устувор, ки дар он Ҳадафи шашум оид ба захираҳои об муҳокима мегардад, имконоти мусоид фароҳам меорад.

Бо ибтикори Раиси Маҷмаи умумии Созмони Милали Муттаҳид 22-юми марти соли равон – дар Рӯзи умумиҷаҳонии захираҳои об – мо ҳама якҷо ба раванди татбиқи Даҳсолаи нави байналмилалӣ оид ба об ҳусни оғоз бахшидем. Читать далее «Суханронӣ дар маросими ифтитоҳи Конфронси байналмилалии сатҳи баланд оид ба Даҳсолаи байналмилалии амалиёт «Об барои рушди устувор, солҳои 2018-2028»»

Иштирок дар Конференсияи байналмилалии сатҳи баланд оид ба Даҳсолаи байналмилалии амал “Об барои рушди устувор, солҳои 2018-2028”

Субҳи рӯзи 20 июн дар Кохи Сомони бӯстонсарои шаҳрии Ҳукумати Ҷумҳурии Тоҷикистон Конференсияи байналмилалии сатҳи баланд оид ба Даҳсолаи байналмилалии амал “Об барои рушди устувор, солҳои 2018-2028” ба кори худ оғоз кард.

Барои иштирок дар ин конфронс сарони давлатҳо ва ҳукуматҳои Покистон, Туркманистон, Афғонистон, беш аз 1500 коршинос аз зиёда аз 100 кишвари ҷаҳон ва даҳҳо созмонҳои байналмилалию минтақавӣ, ба Тоҷикистон ташриф овардаанд.

Ҷараёни кори конфронс мустақиман тавассути ҳамаи шабакаҳои давлатии телевизион ва радио пахш гардида, рафти кори онро шумораи зиёди хабарнигорони дохил ва хориҷ инъикос карданд. Читать далее «Иштирок дар Конференсияи байналмилалии сатҳи баланд оид ба Даҳсолаи байналмилалии амал “Об барои рушди устувор, солҳои 2018-2028”»

Мулоқот бо Ноиби Президенти Бонки Ҷаҳонӣ оид ба минтақаи Аврупо ва Осиёи Марказӣ Сирил Мюллер

20 июн Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҳошияи Конференсияи байналмилалии сатҳи баланд оид ба Даҳсолаи байналмилалии амал “Об барои рушди устувор, солҳои 2018-2028” Ноиби Президенти Бонки Ҷаҳонӣ оид ба минтақаи Аврупо ва Осиёи Марказӣ Сирил Мюллерро ба ҳузур пазируфтанд.

Дар мулоқот масъалаҳои ҳамкории Тоҷикистон бо ин ташкилоти бонуфузи молиявӣ баррасӣ карда шуд.

Президенти мамлакат муҳтарам Эмомалӣ Раҳмон иброз доштанд, ки Бонки Ҷаҳонӣ дар қатори созмонҳои фаъолтарини ҷаҳон дар татбиқи ташаббусҳои Тоҷикистон вобаста ба масъалаҳои об, саҳми арзанда мегузорад.

Аз дастгирии гурӯҳи Бонки Ҷаҳонӣ дар самтҳои мухталифи рушд, пеш аз ҳама дар соҳаҳои энергетика, нақлиёту роҳ, кишоварзӣ, пешгирии офатҳои табиӣ ва дигар соҳаҳои афзалиятнок изҳори қаноатмандӣ карда шуд.

Дастгирии соҳаҳои кишоварзӣ, обтаъминкунӣ, пешгирии офатҳои табиӣ, маориф, инкишофи инклюзивӣ, мукаммалнамоии идоракунии молияи давлатӣ низ дар доираи Барномаи минбаъдаи шарикӣ аз қатори афзалиятҳои ҳамкорӣ номида шуд.

Дар ҷараёни мулоқот ҳамчунин таъкид гардид, ки барои кам намудани хавфҳои фискалӣ минбаъд низ зиёд намудани ҳаҷми маблағгузорӣ аз ҷониби Бонк дар намуди маблағҳои имтиёзноки грантӣ муҳим аст.

Ҳар ду ҷониб зимни мулоқот оид ба дигар масъалаҳои мавриди таваҷҷуҳ гуфтугуйи судманд анҷом доданд.

Маросими супоридани “Медали Созмони Умумиҷаҳонии Тандурустӣ” ба муносибати Рӯзи умумиҷаҳонии мубориза алайҳи тамоку

Нимаи дуюми рӯзи 19 июн дар Бӯстонсаройи шаҳрии Ҳукумати Ҷумҳурии Тоҷикистон ба муносибати “Рӯзи умумиҷаҳонии мубориза алайҳи тамоку” маросими супоридани “Медали Созмони Умумиҷаҳонии Тандурустӣ” ба Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баргузор гардид.

Мукофоти олиро ба Президенти Ҷумҳурии Тоҷикистон муҳтарам Эмомалӣ Раҳмон намояндаи Ташкилоти Умумиҷаҳонии Тандурустӣ Игор Поканевич супорида, ба саҳм ва нақши Президент ва Ҳукумати кишвар баҳри таъмини солимии ҷомеа баҳои баланд дод. Читать далее «Маросими супоридани “Медали Созмони Умумиҷаҳонии Тандурустӣ” ба муносибати Рӯзи умумиҷаҳонии мубориза алайҳи тамоку»

Ба истифода додани майдончаи варзишӣ воқеъ дар кўчаи С.Шерозӣ 8

Майдонча дар кучаи Саъдии Шерозии пойтахт ҷой гирифта, он тибқи дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон бо ибтикори Раиси Суди Олии Ҷумҳурии Тоҷикистон сохта ба истифода дода шуд.

Тамоми корҳои сохтмонии майдончаи варзишӣбориояимеъёри қоидаҳоисохтмонӣ тибқи лоиҳаи азнавсозии он дар мувофиқа бо сохторҳои дахлдори шаҳри Душанбе ба амал бароварда шудаанд.

Бо мақсади таъмини шароити мусоиди сайру гашт ва истироҳати сокинон, ба хусус кўдакон ва ҷавонон ва боз ҳам зебо гардидани намуди зоҳирии ин мавзеъ тамоми корҳои амалишуда вобаста ба сохтмон, ободонӣ, кабудизоркунӣ ва насб кардани таҷҳизотҳои варзишию истироҳатӣ дар ин майдонча ба пуррагӣбо ҷалби мутахассисони соҳаҳои дахлдор анҷом дода шуданд.

Дар кори сохтмони майдончаи варзишӣзиёда аз 769 метри квадратӣ роҳравҳои ранга (мозайка), 19 ададфурўзонакҳо барои равшансозӣ, 1 адад айвонча (беседка) барои истироҳати сокинон насб карда шуд. Атрофи майдонча бо 286 метр панҷараи оҳанин ва бо 460 метри квадратӣ сеткаи симин махкам карда шуда, 6 адад таҷҳизот барои бозии кўдакон, барои варзиш 1 адад брус ва барои истироҳат 9 адад курсиҳо насб карда шуданд. Хамчунин дар ҳудуди майдонча 27 адад дарахтони арчаҳои бисёрсола шинонида шуданд.

Дар чор нуқтаи ҳудуди майдонча оби ошомиданӣгузаронида шуда, дар мувофиқа бо мутахассисони соҳаи кабудизоркунӣ майдончаҳо ва атрофи онҳо кабудизор карда шуданд.

Бо мавриди истифода қарор гирифтани чунин иншоотҳои замонавӣ барои болидахотирии сокинон ва меҳмонони пойтахт, инчунин боз ҳам ҷолибу зебо гардидани симои шаҳри Душанбе мусоидат хоҳад кард.

Читать далее «Ба истифода додани майдончаи варзишӣ воқеъ дар кўчаи С.Шерозӣ 8»

Ба истифода додани майдончаи варзишӣ воқеъ дар кўчаи Деҳотӣ 21/13

Санаи 8 июни соли 2018 дар ноҳияи Фирдавсии шаҳри Душанбе боз як майдончаи варзишӣ мавриди баҳрабардорӣ қарор дода шуд.

Майдончаи мазкур дар шаҳраки 46, кўчаи Деҳотии пойтахт ҷой гирифта, он тибқи дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон бо ибтикори Суди Олии Ҷумҳурии Тоҷикистон сохта ба истифода дода шуд.

Бояд қайд кард, ки корҳои сохтмонии майдончаи варзишӣ бориояимеъёри қоидаҳоисохтмонӣ тибқи лоиҳаи азнавсозии он дар мувофиқа бо сохторҳои дахлдори шаҳри Душанбе амалӣ гардиданд. Читать далее «Ба истифода додани майдончаи варзишӣ воқеъ дар кўчаи Деҳотӣ 21/13»